मकवानपुर जिल्लाको हेटौंडा उपमहानगरपालिकाको वडा नम्बर ४ स्कूल रोडमा रहेको कलेज अफ इन्फरमेसन टेक्नोलोजी(सिआइटी)ले छात्रबृत्तिका लागि परीक्षा लिएको छ ।
यस शैक्षिक बर्षका लागि शनिबार छात्रबृत्ति लिइएको हो । शनिबार तीनसय १५ जना परिक्षार्थीहरु सहभागी भएको सिआइटीका प्रवन्धक निर्देशक दिनेश रिजालले जानकारी दिए । कम्प्युटरको सबैखाले पढाइ हुने हेटौंडाको एक मात्र उक्त कलेजले शनिबार लिएको उक्त परीक्षाको नतिजा मंगलबार प्रकाशित गर्ने छ ।
सो कलेजले २०६५ सालदेखि नै बिद्यार्थीहरुका लागि छात्रबृत्तिको कार्यक्रम ल्याएकोमा २०७५ सालसम्म पनि लगातार निरन्तरता दिनका लागि उक्त परीक्षा संचालन गरिएको रिजालले बताए । आइटीमा पूर्ण दक्ष बनाउने आफूहरुको लक्ष्य रहेको पनि उनले जानकारी दिएका छन् ।