चट्याङ लागेर आइतबार चिंगाड गाउँपालिका–४ को धारापानी प्राविमा अध्ययनरत दुई बालबालिकाको मृत्यु भएको छ। कक्षा कोठामा अध्ययन गरिरहेको बेला विहान ११ बजे चट्याङ लागेर सात वर्षीय अम्मरबहादुर चन्द र निर्मला चन्दको मृत्यु भएको प्रहरीले जनाएको छ। उनीहरु कक्षा दुईमा अध्ययनरत थिए।

चट्याङ लागेर दुई जना घाइते भएका छन् । स्थानीय डोरप्रसाद शर्माका अनुसार कक्षा १ मा अध्ययनरत ५ वर्षीय निर्मल चन्द र पवित्रा शाही घाइते भएका छन् । उनीहरुको मटेला स्वास्थ्य चौकीमा उपचार भइरहेको जिल्ला प्रहरी कार्यालयका प्रमुख प्रहरी उपरीक्षक उमाप्रसाद चर्तुवेदीले जानकारी दिए।