जिल्ला प्रहरी कार्यालय मकवानपुरले लागू औषध गाँजा सहित दुईजनालाई पक्राउ गरेको छ ।
जिल्लाको राक्सीरांग ६ को लोथर खोलामा गाँजा खरिद बिक्री भइरहेको अवस्थामा उनीहरलाई पक्राउ गरिएको प्रहरीको दाबी छ। पक्राउ पर्नेमा कैलाश गाउँपालिका ७ का मान बहादुर मोक्तान र चितवन राप्तीका बीर बहादुर मोक्तान रहेका छन् ।
उनीहरुको साथबाट एक क्वीन्टल १७ किलो गाँजा बरमद भएको मकवानपुरका प्रहरी नायब उपरीक्षक दीलिपराज झाले जानकारी दिनुभयो ।