मकवानपुर जिल्लाको हेटौंडा उपमहानगरपालिकाको वडा नम्बर ४ स्कूल रोडमा रहेको कलेज अफ इन्फरमेसन टेक्नोलोजी(सिआइटी)ले छात्रबृत्तिको नतिजा सार्वजनिक गरेको छ।
यस शैक्षिक बर्षका लागि शनिबार छात्रबृत्ति लिइएको थियो । शनिबार तीनसय १५ जना परिक्षार्थीहरु सहभागी भएकोमा दुईसय ७१ जनाको नाउँ निस्किएको सिआइटीका प्रवन्धक निर्देशक दिनेश रिजालले जानकारी दिए ।
सो कलेजले २०६५ सालदेखि नै बिद्यार्थीहरुका लागि छात्रबृत्तिको कार्यक्रम ल्याएकोमा २०७५ सालसम्म पनि लगातार निरन्तरता दिनका लागि उक्त परीक्षा संचालन गरेको रिजालले बताए । आइटीमा पूर्ण दक्ष बनाउने आफूहरुको लक्ष्य रहेको पनि उनले जानकारी दिएका छन् ।परीक्षामा सहभागी भएका मध्ये ९२ प्रतिशत अंक ल्याउनेहरुको नाउँ बुधबार कलेजले प्रकाशन गरेको हो ।