प्रदेश नम्बर तीनको हेटौंडामा सम्पन्न हुन गइरहेको नेपाली काँग्रेसको जिल्ला सभापतिहरुको राष्ट्रिय भेलाको तयारी अन्तिम चरणमा पुगेको बताइएको छ ।
हेटौँडामा बिहीबार पत्रकार सम्मेलनको आयोजना गरी यही असार ५, ६ र ७ गते भेला हुन लागेको जानकारी दिइएको हो । भेलाका लागि विभिन्न समिति गठन गरेर प्रचारप्रसार तथा तयारी अन्तिम चरणमा पुगेको जानकारी दिइएको छ ।

पत्रकार सम्मेलन कार्यक्रममा नेपाली काँग्रेस मकवानपुरका हेटौँडा नगर सभापति आनन्दराम पराजुली, कार्यबहाक अध्यक्ष विष्णु लामिछाने, प्रचार विभाग संयोजक तथा मकवानपुर सचिव बुद्ध लामा, काँग्रेस जिल्ला प्रवक्ता प्रदिप कोइराला लगायतको उपस्थिति रहेको थियो ।