मदन भण्डारी स्र्पोट्स ऐकेडेमी विद्यालय खेलकुद शिक्षक संघको आयोजनामा शुक्रबार हेटौँडामा हेटौँडा उपमहानगरपालिका स्तरीय महिला शिक्षक म्युजिकल चियर प्रतियोगिता सम्पन्न भएको छ ।

हेटौँडाको हुप्र चौरमा भएको प्रतियोगितामा हेटौँडा एकेडेमीकी शिक्षक सुनिता थापा क्षेत्री प्रथम हुँदा अमर माविकी इश्वरी भट्टराई शिक्षक द्वितिय तथा महेन्द्र किरण मावि बसामाडीकी रेणुका रिजाल शिक्षक तृतिय भएका छन् ।

पुरस्कृतहरुले नगद ३ हजार, २ हजार तथा १ हजार सहित शिल्ड, मेडल र प्रमाणपत्र प्राप्त गरेका छन् । प्रदेशसभा सांसद मुनु सिग्देल सहितका अन्य अतिथिहरुले पुरस्कृतहरुलाई पुरस्कार हस्तान्तरण गरेको संघका सचिव नविन मिश्रले बताए ।

कार्यक्रममा सांसद सिग्देल, विद्यालय शिक्षक संघका केन्द्रीय सहसचिव सचिन लामा लगाएतले मन्तब्य ब्यक्त गरेका थिए । कार्यक्रममा नेकपाकी महिला नेतृहरु विष्णु ओझा,पद्मा पौडेल, जिल्ला समन्वय समितिकी उपप्रमुख भगवती पुडासैनी, मदन भण्डारी स्र्पोट्स एकेडेमीका केन्द्रीय सदस्य नविन सिग्देल, जिल्ला अध्यक्ष निरजसिंह ठकुरी लगाएतको आतिथ्यता रहेको थियो । कार्यक्रम संघका अध्यक्ष राजाराम पोखरेलको अध्यक्षतामा भएको हो ।