जिल्ला प्रहरी कार्यालय मकवानपुरले टोलटोलमा प्रहरी अभियान संचालन गर्ने भएको छ ।
शुक्रबार पत्रकार सम्मेलनको आयोजना गरी मकवानपुरको हेटौंडा उपमहानगरपालिकाभित्र यो अभियान संचालन गर्न लागेको हो । पत्रकार सम्मेलनमा जानकारी दिँदै प्रहरी उपरीक्षक लोकेन्द्र श्रेष्ठले नागरिक र प्रहरीबीचको सम्बन्धलाई बलियो बनाउनका लागि र अपराध सहित समाजको कल्पनाका लाग यो अभियान संचालन गर्न लागिएको बताए ।
उनका अनुसार शुक्रबारबाट शुरु भएको यो अभियान असार महिनाभर संचालन हुनेछ । असार २५ गतेसम्म हेटौंडा उपमहानगरपालिकाको १९ वटा वडामा यो अभियान संचालन गरिने छ । एउटा वडामा चारजना प्रहरी परिचालन गरी नागरिकसँग सहकार्य गरिने नीति प्रहरीले लिएको छ। जुवातास,मदिरा,लागू औषध ,फरार अपराधी पक्राउ तथा नियन्त्रणमा यो अभियान संचालन हुने प्रहरीले बताएको छ ।