प्रगतिवादी लेखक तथा साहित्यकार श्याम प्रसाद शर्माको ८९ औं जन्म जयन्तीको अवसरमा श्याम प्रसाद स्मृति प्रतिस्ठान सँगै ३ वटा संस्थाले यहि असार ६ गते साहित्यिक कार्यक्रमको आयोजना गर्ने भएको छ ।
नेपाली प्रगतिशील साहित्यका धरोहर शर्माको स्मृतिमा मकवानपुरमा साहित्यिक कार्यक्रमको आयोजना गरिन लागेको प्रतिष्ठानका अध्यक्ष कौशल पाण्डेले जानकारी दिए । प्रगतिशील लेखक संघ नेपालको संस्थापक अध्यक्ष समेत रहेका साहित्यकार शर्माका दर्जनौ प्रगतिवादी कृतिहरु प्रकाशित भएका छन् । उनको योगदान र कृतिहरुलाई नयाँ पुस्तासम्म पु¥याउन र उनको जीवनबाट प्रेरणा लिन आवश्यक रहेको बताइएको छ । प्रतिष्ठानसँग प्रगतिशील लेखक संघ मकवानपुर र लोक भावना त्रैमासिक पत्रिकाले पनि सहकार्य गर्दैछ । कार्यक्रम हेउनपा ४ को वडा कार्यालयको सभाहलमा हुने बताइएको छ।