पछिल्ला दिनमा जिल्ला प्रहरी कार्यालय मकवानपुरले विभिन्न समयमा हराएका मोबाईलहरु फेला पारी सम्बन्धित ब्यक्तिलाई दिनेक्रममा तीब्रता ल्याएको छ ।
सोही क्रममा शुक्रबार मोबाईल धनीलाई बुझाएको छ ।मोबाईल हराएको भन्दै विभिन्न मितिमा जिल्ला प्रहरी कार्यालय मकवानपुरमा निवेदन दिएका निबेदकहरु मध्ये बिशेष प्रबिधिको प्रयोग गरी खोज तलास गरेर ३ थान मोबाईल फेला पारी मोबाईल धनीलाई बुझाइएको जिल्ला प्रहरी कार्यालय मकवानपुरले जनाएको छ ।

खासगरी हेटौडा–११ बस्ने मेनुका श्रेष्ठको गत चैत ३१ गते हराएको सामसुङ जे ७, दंगा नियन्त्रण प्रहरी गण हेटौँडामा कार्यरत प्रहरी जवान लालमान तामाङको यही असार ७ गते हराएको जीवनी र हेटौँडा–४ बस्ने बिरेन्द्र प्रसादको गत वर्षको माघ १२ गते हराएको सामसुङ मोबाईल उनीहरुलाई फिर्ता गरिएको मकवानपुर प्रहरीले जनाएको छ ।