बिगत दुईदिनदेखि परिरहेको बर्षाका कारण प्रदेश नम्बर तीनको राजधानी हेटौंडाबाट संघीय राजधानी काठमाडौं जोड्ने सडक अवरुद्ध भएको छ ।
हेटौंडाबाट काठमाडौं जोड्ने दुईवटा सडक अवरुद्ध भएको हो । हेटौंडा सिस्नेरी सडकखण्ड र हेटौंडा फाखेल सडकखण्ड दुबै मध्यान्ह १२ बजेबाट अवरुद्ध भएको जिल्ला प्रहरी कार्यालय मकवानपुरले जनाएको छ ।
यी सडकका बिभिन्न स्थानमा पहिरो खसेका कारण सडक अवरुद्ध भएको तर हेटौंडा पालुंग हुँदै नौबिसे सडकखण्ड भने भने सुचारु रहेको मकवानपुका प्रहरी प्रवक्ता प्रहरी नायब उपरीक्षक नरेश कुमार सिंहले जानकारी दिएका छन् । सडक अवरुद्ध भएपछि हेटौंडाबाट काठमाडौं जाँदै गरेको र काठमाडौंबाट हेटौंडा तर्फ आउदै गरेका सवारी साधन अलपत्र परेका छन् । सडक खुलाउने कार्य जारी रहेको मकवानपुर प्रहरीको दाबी छ ।