बर्षाका कारण सोमबार मध्यान्हबाट अवरुद्ध भएको हेटौंडा फाखेल सडकखण्ड संचालनमा आएको छ ।
सो सडकखण्डको डोमार भन्ने स्थानमा खसेको पहिरो हटाएपछि सडक संचालनमा आएको हो । मध्यान्ह १२ बजेबाट अवरुद्ध सडक करिब पाँच बजेबाट संचालनमा आएको मकवानपुर प्रहरीले जनाएको छ । यद्यपी हेटौंडा सिस्नेरी सडकखण्ड भने अवरुद्ध नै रहेको छ । ज्यामिरे र छेपारेमा खसेको पहिरो हटाइ नसकिएका कारण सडक संचालनमा आउन नसकेको मकवानपुका प्रहरी प्रवक्ता प्रहरी नायब उपरीक्षक नरेश कुमार सिंहले जानकारी दिनुभयो । 

यसैबीच पहिरोबाट मकवानपुरको थाहा नगरपालिका वडा नम्बर ७ मा दुई जना घाईते भएका छन् । घाईते हुनेमा विष्णु माया गोले र बेली गोले रहेका छन् ।