जिल्ला युवा समितिको कार्यालय, मकवानपुरद्वार युवा प्रतिभा पहिचान कार्यक्रम अन्तर्गत बुधबार वक्तृत्वकला प्रतियोगिता सम्पन्न भएको छ ।
समृद्ध नेपाल सुखी नेपाली अभियानमा युवाको भूमिका बिषयक बक्तृत्वकला कार्यक्रमको प्रमुख अतिथि जिल्ला समन्वय समितिका प्रमुख रघुनाथ खुलालरहेका थिए ।
जिल्ला युवा समितिका अध्यक्ष सन्तोष चौलागाईको अध्यक्षतामा सम्पन्न कार्यक्रममा १६ देखि २४ बर्ष उमेर समूहका १० जनाको सहभागिता रहेको थियो । सो क्रममा भिमफेदी ५ कि सुष्मा पुडासैनी प्रथम,हेटौंडा १७ कि कंचन घिमिरे दोश्रो तथा हेटौंडा १४ कि अंजली घिमिरे तेश्रो भएकी छन् भने सान्त्वना पुरस्कार हेटौंडा ४ का मधुसुदन अधिकारीले प्राप्त गरेका छन् । उनीहरुलाई नगद सहित पुरस्कृत गरिएको हो ।