राष्ट्रिय खेलकूद परिषद् (राखेप) को आयोजनामा तेस्रो प्रधानमन्त्री कप विश्वविद्यालय खेलकूद आज देखि शुरु हुँदैछ ।

प्रतियोगितामा पुरुष/महिलाभलिबल, ब्याडमिन्टन र टेबलटेनिस तथा बुद्धिचाल (खुला) गरी चार विधामा प्रतिस्पर्धा हुने राखेपअन्तर्गत खेलकूद प्रतियोगिता तथा योजना विभागका प्रशासकीय अधिकृत शारङ्गीन निरौलाले जानकारी दिए । भलिबलमा दुई, ब्याडमिन्टन र टेबल टेनिसमा चार–चार तथा बुद्धि चालमा एक स्वर्णका लागि प्रतिस्पर्धा हुने उनले बताए । अधिकृत निरौलाका अनुसार तीनदिने प्रतियोगितामा आठ विश्व विद्यालयबाट २ सय ५६ खेलाडी सहभागी हुनेछन् ।

भलिबल त्रिपुरेश्वरस्थित राखेपको कभर्डहल, ब्याडमिन्टन र बुद्धिचाल कीर्तिपुरस्थित त्रिभुवन विश्वविद्यालय तथा टेबल टेनिस लैनचौरस्थित राष्ट्रिय टेबल टेनिस प्रशिक्षण केन्द्रमा हुनेछ ।