हेटौंडा काठमाण्डौं सडक अन्र्तगत दुई ठाउँमा पहिरो जाँदा सयौं सवारी बाटैमा अलपत्र परेको छ । इन्द्रसरोवर गाउँपालिका–४ फाखेल र इन्द्रसरोवर गाउँपालिका–७ स्थित सिस्नेरीको सूर्यडाँडामा बिहीबार बिहान पहिरो गएको जिल्ला प्रहरी कार्यालय मकवानपुरले जनाएको छ ।
पहिरोका कारण अबरुद्ध सडक वर्षात नरोकिएकाले खुलाउन समस्या भएको मकवानपुरका प्रमुख जिल्ला अधिकारी चक्र बुढाले बताए । ‘पहिरो हटाउन प्राविधिक सहित डोजर तयारी अवस्थामा छ,वर्षात रोकिने बित्तिकै काम सुरु हुन्छ’,उनले भने । उक्त सडकमा टाटा सुमो र साना सवारी मार्फत पूर्वी नेपालसहित मकवानपुरका यात्रुहरु काठमाण्डौं ओहर दोहर गर्छन् ।