हेटौंडा काठमाडौं छोटो मार्ग मदन भण्डारी राजमार्ग अन्तर्गत पर्ने हेटौंडा–कुलेखानी सडकखण्ड पूर्ण रुपमा संचालनमा आएको छ ।
बिहीबार बिहान पहिरो गएका कारण अवरुद्ध भएको खडकखण्ड मध्यान्ह १२ बजेबाट दुबै तर्फ संचालनमा आएको जिल्ला प्रहरी कार्यालय मकवानपुरले जनाएको छ । इन्द्रसरोवर गाउँपालिका–४ पुरण्डी स्थित फाखेल र इन्द्रसरोवर गाउँपालिका–७ स्थित सिस्नेरीको सूर्यडाँडामा पहिरो खस्दा अवरुद्ध भएको सडक संचालनमा आएको मकवानपुरका प्रहरी प्रवक्ता प्रहरी नायब उपरीक्षक नरेश कुमार सिंहले जानकारी दिए ।
सडक संचालनमा आएसंगै अलपत्र अवस्थामा रहेको यात्रुहरु पनि गन्तब्य तर्फ गइरहेको उनले जानकारी दिएका छन् ।