हेटौंडा कुलेखानी काठमाण्डौं सडक अन्तर्गत मकवानपुरको उत्तरी इन्द्रसरोबर गाउँपालिका २ कुलेखानीमा टाटासुमो दुर्घटा हुँदा नौ जना यात्रु घाईते भएका छन् । बारा निजगढबाट काठमाण्डौँ जाँदै गरेको ना १ ज ३४८२ नंबरको सुमो बिहीबार दिउँसो दुर्घनामा परेको मकवानपुर प्रहरी प्रवक्ता डिएसी नरेश कुमार सिंले बताए । घाईतेहरुलाई उपचारको लागि काठमाण्डौ पठाईएको उनले जानकारी दिए । घाईतेहरुको अवस्थामा सामान्य रहेको सिंहले बताए ।
कुलेखानीको कलंकीमा स्टेरिङ फेल भएर दुर्घटना भएको प्रारम्भिक अनुसन्धानबाट खुलेको मकवानपुर प्रहरीले जनाएको छ । सुमो सडकबाट करिब २५ मिटर तल खसेको थियो । सुमो चालक प्रहरी नियन्त्रणमा रहेको छ ।