नेपाल मगर संघ मकवानपुरले मगर अगुवासँग शनिबार अन्तरकृया कार्यक्रमको आयोजना गरेको छ ।
हेटौंडा स्थित एक होटलमा नेपाल मगर संघ नगर कार्य समिति मकवानपुरको आयोजनामा भएको कार्यक्रममा सहभागीहरुले मगरहरुको अवस्था र भूमिकाका बिषयमा आफ्ना धारणा राखेका थिए । कार्यक्रमको प्रमुख अतिथि समेत रहेका मगर संघका केन्द्रीय सल्लाहकार सदस्य बिश्व आले मगरले मगर जातीको अधिकार रक्षाका लागि आफुहरु एक हुनुपर्नेमा जोड दिए ।
कार्यक्रममा होम बहादुर राना मगरको मुख्य सहजिकरण रहेको थियो । मगर संघ नगर कार्य समिति हेटौंडाका अध्यक्ष मनोज थापा मगरको सभापतित्व सम्पन्न भएको कार्यक्रममा भूपू केन्द्रीय सदस्य बिश्व थापा मगर,कुश कुशमार थापा मगर लगायतले आफ्ना धारणा राखेका थिए । नगर कार्य समितिका उपाध्यक्ष भरत ठाडा मगरले स्वागत गरेको कार्यक्रमको संचालन सचिव राजाराम मगरले गरेका थिए। कार्यक्रममा हेटौंडाका सबै १९ वडाकै मगर जातीको अवस्थाको बिषयमा उर्मिला राना मगर,बिष्णु राना मगर , रबिन्द्र दर्लामी मगर,मधु थामा मगर र जय बहादुर पुलामी मगरले कार्यपत्र प्रश्तुत गरेका थिए ।