हेटौँडा उपमहानगरपालिका वडा नंबर १९ तिनताप्केमा बस दुर्घटना भएको छ । चितवनबाट हेटौँडा आउँदै गरेको ना ५ ख ३७०१ नंबरको बस तिन ताप्के ओरालोमा दुर्घटना भएको मकवानपुर प्रहरीले जनाएको छ ।

उक्त दुर्घटनामा परि दशजना भन्दा बढी यात्रुहरु घाईते भएको जिल्ला प्रहरी कार्यालय मकवनपुरले जनाएको छ । घाईते यात्रुहरुलाई हेटौँडा अस्पताल तथा चुरेहिल अस्पतालमा लगिएको छ ।ब्रेकफेल भएको कारण दुर्घटना भएको प्रारम्भिक अनुसन्धानबाट खुलेको प्रहरीको भनाई रहेको छ । बसका चालकलाई प्रहरीले नियन्त्रणमा लिएको छ ।