बाराको मनहर्वामा रहेको रिलायन्स सुगर एण्ड केमिकल इन्डस्ट्रिजमा लागेको आगो नियन्त्रणमा आएको छ ।

सोमबार बिहान पौने १२ बजेतिर उद्योगमा राखिएको उखुको भुसमा अचानक आगलागी भएको हो । आगो करिब साढे ४ बजेतिर आगो नियन्त्रणमा आएको जिल्ला प्रहरी कार्यालय बाराले जनाएको छ ।

आगो वीरगञ्ज महानगरपालिका, कलैया उपमहानगरपालिका, जीतपुर सिमरा उपमहानगरपालिका, सिम्रौनगढ नगरपालिका, आयल निगम क्षेत्रीय डिपो अमलेखगञ्जको समेत गरी ७ वटा दमकलको सहयोगमा नेपाली सेना, नेपाल प्रहरी, सशस्त्र प्रहरी मिलेर नियन्त्रणमा लिएका थिए ।

आगो नियन्त्रणमा आइसकेको र क्षतिको विवरण संकलनको काम भइरहेको जिल्ला प्रहरी कार्यालय बाराका प्रवक्ता डिएसपी रञ्जितसिंह राठौरले जानकारी दिए ।