पूर्वी रोल्पाको अरेसमा पहिरोले गोठ पुर्दा तीन जनाको मृत्यु भएको छ । आइतबार रातिको वर्षाका कारण सुनील स्मृति–८ फूलधारामा रहेको उक्त गोठ पहिरोमा पुरिँदा स्थानीय १८ वर्षीया चमेली पुन, १२ वर्षीय ओबी घर्ती र १८ वर्षीय हुमे घर्तीको मृत्यु भएको हो । गोठमा सुतेको अवस्थामा उनीहरुको मृत्यु भएको हाे । घटनाबारे जानकारी पाएपछि गाउँले भेला भएर भत्किएको गोठभित्रबाट शव निकालेका थिए। प्रहरीका अनुसार घरमा खाना खाएर गोठभित्र रहेका बस्तुभाउ हेरचाह गर्न उतै सुत्न गएको बेला पहिरोमा पुरिएका थिए।