पहिरोका कारण अवरुद्ध हेटौंडा–काठमाडौं सडकखण्ड सुचारु भएको छ ।
शनिबार विहान करिब ८ बजेबाट अवरुद्ध भएको सडक अपरान्ह ४ बजेबाट एकतर्फी रुपमा संचालनमा आएको हो । इन्द्रसरोवर गाउँपालिका–२ सुकौरामा पहिरो खस्दा अवरुद्ध सडक एकतर्फी रुपमा संचालनमा ल्याइएको जिल्ला प्रहरी कार्यालय मकवानपुरले जनाएको छ ।
हाल कुलेखानी–सिस्नेरी मार्ग निर्माणाधिन अवस्थामा रहेका कारण सबै सवारीसाधन कुलेखानी–फाखेल मार्ग भएर सञ्चालन हुने गरेका छन् ।