मकवानपुरबाट सरुवा भएका जिल्लाका तत्कालिन प्रमुख जिल्ला अधिकारी चक्र बहादुर बुढालाई बिदाइ गरिएको छ ।

जिल्ला समन्वय समिति मकवानपुरले आइतबार एक कार्यक्रमको आयोजना गरी बुढाको बिदाइ गरेको हो । जिल्लामा रहदा शान्ति सुरक्षाको सवालमा महत्वपूर्ण भूमिका निर्वाह गरेको भन्दै बुढालाई बिदाइ गरिएको जिल्ला समन्वय समिति मकवानपुरका सामाजिक बिकास अधिकृत रामकृष्ण थापाले बताए । जिल्ला समन्वय समिति मकवानपुरका सभापति रघुनाथ खुलालको अध्यक्षतामा सम्पन्न कार्यक्रममा बोल्दै प्रजिअ बुढाले मकवानपुरको आफ्नो बसाइ निकै यादगार रहने बताए ।

बुढाको कास्की सरुवा भएको हो । मकवानपुरमा भने प्रमुख जिल्ला अधिकारीको रुपमा आस्मान तामांग आउने लागेका हुन् ।