जिल्ला प्रहरी कार्यालय मकवानपुरले २ सय ३ केजी ७२ ग्राम गाँजासहित ६ जनालाई पक्राउ गरेको छ ।

लागूऔषध नियन्त्रण ब्यूरो तथा जिल्ला प्रहरी कार्यालय मकवानपुरको संयुक्त टोलीले गाँजासहित उनीहरुलाई नियन्त्रणमा लिएको हो । जिल्ला प्रहरी कार्यालयले बिहिबार पत्रकार सम्मेलन गरेर बरामद गरेको गाँजा र पक्राउ परेकालाई सार्वजनिक गरेको हो । पक्राउ पर्नेहरुमा ८८ केजी ७ सय २० ग्राम गाँजासहित उदयपुरका पदम हमाल, सिरहाका सुरेशकुमार महतो, सिरहाकै छेदी दास, मकवानपुरका कृष्णबहादुर मोक्तानलाई पक्राउ गरेको हो । उनीहरुलाई मनहरी गाउँपालिका–९ खरङ्गाबाट पक्राउ गरेको प्रहरी उपरीक्षक बुद्धिराज गुरुङले जानकारी दिए ।

यसैगरी प्रहरीले बिहीबार १ सय १५ केजी गाँजासहित सिन्धुलीका दिनेश मगर, ज्ञानबहादुर बुढासैलीलाई हेउमनपा ११ सरस्वतीचोकबाट पक्राउ गरेको उनले बताए । पक्राउ परेकाहरुले प्रयोग गरेको ना ३ च ४७६२ नम्बरको बोलेरो र भारतीय बीआर – १पी२३४५ नम्बरको बोलेरो प्रहरीले नियन्त्रणमा लिएको छ ।