कान्तिलोकपथ अन्तर्गत हेटौंडा उपमहानगरपालिका वडा नं १७ स्थित गैरीगाउँमा आइतबार भएको सवारी दुर्घटनामा परी एकजनाको ज्यान गएको छ ।

टिपरको ठक्करबाट स्थानीय गैरीगाउँका २६ वर्षीय टंक न्यौपानेको मृत्यु भएको हो । मोटरसाइकलमै सवार गीता न्यौपानेको अवस्था भने मध्यम रहेको प्रहरीले जनाएको छ । गीताको अहिले चितवनस्थित नयाँ मेडिकल कलेजमा थप उपचार भैरहेको जिल्ला प्रहरी कार्यालय मकवानपुरले जनाएको छ । ठक्कर दिने टिपर र चालक एकराज घलानलाई प्रहरीले नियन्त्रणमा लिएको छ ।