पहिरोका कारण गएरातीदेखि अवरुद्ध भएको हेटौंडा–काठमाडौं छोटो मार्ग अन्तरगतको फाखेल हुमानेभन्ज्याङ हुँदै काठमाडौं जाने सडकखण्ड एकतर्फी संचालनमा आएको छ ।
इन्द्रसरोबर गाउँपालिका–४ महालक्ष्मीमा पहिरो खस्दा हेटौंडा–फाखेल–काठमाडौं सडक पनि अवरुद्ध भएको थियो । अवरद्ध सडक मध्यान्ह १२ बजेबाट एकतर्फी रुपमा संचालनमा आएको जिल्ला प्रहरी कार्यालय मकवानपुरले जनाएको छ । फाखेल सडक सोमबार बेलुकी साढे ६ बजेदेखि नै अवरुद्ध भएको थियो ।
सिस्नेरी सडकखण्डमा पनि पहिरो हटाउने कार्य भइरहेको र सडक संचालनमा ल्याउने प्रयास भइरहेको जिल्ला प्रहरी कार्यालय मकवानपुरका प्रहरी उपरीक्षक बुद्धिराज गुरुंगले जानकारी दिनुभयो ।