चलचित्र मिस्टर भर्जिनको कलाकार टोलीले आज हेटौंडामा पत्रकार भेटघाट गरेको छ । भदौ १ गतेबाट प्रदर्शन हुने भनिएको चलचित्र मिस्टर भर्जिन यौन मनोविज्ञानमा आधारित कमेडि चलचित्र रहेको कलाकार कमलमणि नेपालले बताए । उनले चलचित्रमा तिन जना भर्जिनहरुको कथा रहेको बताए । आफु तिन मध्ये एक रहेको बताएका थिए । म विवाहित हुन्छु तर कुमार नै रहन्छु कसरी भन्ने कुरा पुरा चलचित्र हेरेपछि मात्र थाहा हुने बताएका थिए । यौनप्रतिका कुराहरु अगाडि नआएकोले यौन कुण्डामा पुगेर यौनलाई गलत रुपमा प्रयोग गर्ने गर्दछन्, सोही अनुसार हामीले यो चलचित्र ल्याएको नेपालले बताए ।
त्यसैगरि चलचित्रका अर्का कलाकार गौरव पहारीले चलचित्रमा एक भर्जिनको चरित्र निभाएको बताए । उनले चलचित्रको पोष्टर, नाम हेरेर चलचित्रको विश्लेषण गर्न नहुने बताए । चलचित्रका सम्वादले पनि चलचित्रको भित्रि कुरा थाहा नहुने बताएका थिए । कमेडी चलचित्र भएकोले पूर्ण मोरञ्जन लिन सकिने पहारीले बताए । चलचित्रकी नायिका मरिष्का पोखरेलले यौन विषयवस्तु उठाइएकोले अन्य चलचित्र भन्दा फरक रहेको बताईन्, । कमेडि संगसंगै केहि यौनका सन्देशमुलक विषयवस्तु चलचित्रमा रहेको बताईन्, । पत्रकार भेटघाटमा चलचित्रका निर्माता प्रजापति सिवाकोटी, एसोसियट डिरेक्टर दिपक ओली, निमार्ण व्यवस्थापक प्रदिप आचार्य, रंगकर्मी उज्जवलशर्मा भण्डारी लगायतकाको उपस्थिति रहेको थियो । हेटौंडाका विरासत बस्नेतद्धारा निर्देशित चलचित्र मिस्टर भर्जिनमा कमलमणि नेपाल, मरिष्का पोखरेल, गौरव पहारी, भोलाराज सापकोटा, विजय बराल, सिर्जना सुब्बा, रविन्द्र झा लगायतकाको अभिनय रहेको छ ।