मनहरी गाउँपालिका ७ मा सञ्चालित एडभान्स सिलाई तालिमको समापन गरिएको छ । मकवानपुर उद्योग वाणिज्य संघ अन्तर्गत महिला उद्यमी विकास समिति पश्चिम क्षेत्र समितिको आयोजना तथा मनहरी गाउँपालिकाको सहयोगमा सञ्चालित एडभान्स सिलाई तालिमको समापन भएको हो । मनहरीस्थित प्राथमिक आँखा उपचार केन्द्रमा आयोजित समापन समारोहमा बोल्दै मनहरी गाउँपालिका उपाध्यक्ष मनिला बिष्टले महिलाहरुलाई स्वावलम्बी बन्नका लागि गाउँपालिकाले सदैब सहयोग गर्ने बताइन् ।

कार्यक्रममा मकवानपुर उद्योग वाणिज्य संघ पश्चिम क्षेत्र समितिका बरिष्ठ उपाध्यक्ष नारायण सुवेदी, ७ नं वडाअध्यक्ष ठाकुरराम तितुङ, प्रशिक्षार्थी मात्रिका थापा, प्रशिक्षक लक्ष्मी थापा लगायतले मन्तब्य ब्यक्त गरेका थिए । तालिममा सहभागी सबैलाई प्रमुख अतिथि गाउँपालिका उपाध्यक्ष मनिला बिष्ट, वडा अध्यक्ष ठाकुरराम तितुङ, मनहरी एफएमका स्टेशन म्यानेजर शिवकुमार काशी, मकवानपुर उद्योग वाणिज्य संघ जिल्ला सदस्य कृष्णहरि बर्ताैला, पश्चिम क्षेत्र समितिका बरिष्ठ उपाध्यक्ष नारायण सुवेदी, सदस्य भुवनकुमार जोशी लगायतले प्रमाणपत्र बितरण गरेका थिए । महिला उद्यमी विकास समिति अध्यक्ष अनिता कर्माचार्यको सभाध्यक्षतामा भएको कार्यक्रम अम्बिका बर्ताैलाले सञ्चालन गरेकी थिइन् भने ताराकुमारी सुवेदीले स्वागत गरेकी थिइन् ।