प्रहरीले पूर्वपीश्चम राजमार्ग अन्र्तगत मकवानपुरको मनहरीबाट गाँजासहित एक जनालाई पक्राउ गरेको छ ।
तीन नम्बर प्रदेश प्रहरी कार्यालय हेटौडाबाट खटिएको प्रहरी टोलीले लागूऔषध एक क्वीन्टल १३ किलो गाँजा सहित विष्णुभक्त श्रेष्ठलाई पक्राउ गरेको छ । चितवनको शक्तिखोरबाट गाँजा लोड गरी बाराको जितपुर गईरहेको ना ४ ख २९३ नम्बरको कन्टेनर ट्रक र उक्त ट्रकका चालक श्रेष्ठलाई ३ नं प्रदेश प्रहरी कार्यालय हेटौडाको क्षेत्रीय अनुसन्धान समूहबाट प्रहरी निरीक्षक रोशन थापाको कमाण्डमा खटिएको प्रहरी टोलीले मकवानपुरको मनहरीबाट नियन्त्रणमा लिएको हो ।

उक्त नम्बरको कन्टेनरमा लागूऔषध ल्याईरहेको भन्ने सूचनाको आधारमा प्रहरी चितवन जिल्ला राप्ती नगरपालिका–४ बस्ने ४१ बर्षीय श्रेष्ठलाई उक्त परिणामको लागूऔषध गाँजा सहित पक्राउ गर्न सफल भएको थापाले जानकारी दिए । बरामद गरिएको गाँजा र सवारी साधन सहित आवश्यक कारबाहीको लागि ईलाका प्रहरी कार्यालय मनहरीमा बुझाइएको थापाले जानकारी दिए ।