लायन्स क्लब अफ पाथीभरा गोल्डले हेटौंडा उपमहानगरपालिका ९ स्थित हेटौंडा औद्योगिक क्षेत्रमा शनिबार बृक्षारोपण गरेको छ । क्लबले अशोक, धुपी, सतिसाल, काईयो फूल लगायत एक सय ५ बिरुवा रोपेको क्लबकी सचिव रश्मी बस्नेतले बताईन् ।
कार्यक्रम लायन्स क्लब ईन्टरनेशनल डिष्ट्रीक ३२५ बी २ नेपालका डिष्ट्रीक गर्भनर सुनिल ओझाको प्रमुख आतिथ्य तथा लायन्स क्लबका भाईस डिष्ट्रीक गर्भनर शम्भु नकर्मी, एम्बास्डर अफ गर्भनर कृष्णराम न्यौपाने, रिजन चेयर पर्सन टासी डोल्मा तुम्बाहाम्फेको बिशेष आतिथ्य रहेको थियो ।
कार्यक्रम लायन्स क्लब अफ पाथीभरा गोल्डकी अध्यक्ष माधवी बोसको अध्यक्षतामा भएको थियो । कार्यक्रम वातावरण कार्यक्रम अन्तरगत हेटौंडा औद्योगिक क्षेत्र व्यबस्थापन कार्यालय र डिभिजन बन कार्यालय मकवानपुरको सहयोगमा गरिएको हो ।