मकवानपुरे युवा गायक आशिष अस्लामी मगरको नयाँ गितको म्यूजिक भिडियो सार्वजनिक गरिएको छ । ‘मिस नगर सानु’ बोलको पप गितको भिडियो भीमफेदी गाईजले निर्माण गरेको हो ।

हेटौंडामा बिहीबार एक कार्यक्रमबिच गितको भिडियो भीमफेदी गाईज युट्युब च्यानलबाट सार्वजनिक गरिएको थियो । ‘मिस नगर सानु’ गितको म्यूजिक भिडियो उत्कृष्ट बनेको बताउँदै भीमफेदी गाईजका निर्देशक निर्मल लामाले गितमार्फत् धेरै अपेक्षा राखेको बताए । कार्यक्रममा गायक आशिष अस्लामी मगरले गित(संगितको विकासका लागि आफ्नो गित हेरेर र सुनेर सहयोग गर्न आग्रह गरे । कार्यक्रममा भीमफेदी गाउँपालिकाकी उपाध्यक्ष पार्वती राना, संगीतकार ज्ञानु थापा तथा भीमफेदी गाईजका टिमको सहभागिता रहेको थियो ।

भीमफेदी गाईजकै टिम र एलिना रानाले अभिनय गरेको ‘मिस नगर सानु’ गितको भिडियोलाई निर्मल लामाले निर्देशन गरेका हुन् । चर्चित ‘घण्टी बज्यो’ गितका लेखक दिनेश सुवेदीले लेखेको गितमा बाबुल गिरीले संगित भरेका छन् । मकवानपुरको भीमफेदीका पाण्डव पोखरी, सिद्ध पोखरी, धोर्सिङ्ग, देउराली फापरबारी लगायतको रमणीय दृष्यहरु समेटिएको म्युजिक भिडियोलाई पवन सुस्लिङ्गले छायाङ्कन तथा सम्पादन गरेका हुन् ।