नेकपा अध्यक्ष तथा पूर्वप्रधानमन्त्री पुष्पकमल दहाल प्रचण्ड बुधबार मकवानपुरको मनहरीस्थित रजैयामा आउने भएका छन् ।

मनहरी गाउँपालिका वडा नं ९ रजैयामा रहेको ओम् श्री वातावरण शुद्धिकरण अभियान अग्निहोत्री आश्रमको सातौँ वार्षिक उत्सव कार्यक्रमको औपचारिक उद्घाटनका लागि प्रचण्ड आउन लागेका हुन् । प्रचण्ड हेटौंडा हुदै मनहरी जाने आयोजकहरुले मंगलबार गरेको पत्रकार सम्मेलनमा जानकारी दिएको छ ।

वातावरणमा शुद्धता कायम राख्दै मानव जीवनलाई सुन्दर बनाउने अभियानमा आश्रमले बनस्पतिहरुको होमआदि कर्म गर्दै आइरहेको आश्रमका संरक्षक डा. सिताराम खनालले जानकारी दिए । वार्षिक उत्सव सम्बन्धी सबै तयारी पूरा भएको आयोजकले जनाएको छ । पत्रकार सम्मेलनमा उद्योगी अरुण राज सुमार्गी, नेपाली काँग्रेसका नेता माइकल रामचन्द्र अर्याल, भीमसेन महत, एमाले नेता तथा पूर्व सांसद राजाराम स्याङतान, मनहरी गाउँपालिका अध्यक्ष एकराज उप्रेतीलगायतकाको उपस्थिति रहेको थियो ।