संबिधान दिवसको अवसरमा मकवानपुरको राक्सिराङ्ग गाउँपालिकाले बिभिन्न कार्यक्रमको आयोजना गरेको छ ।

संबिधान तथा राष्ट्रिय दिवस २०७५ को अवसरमा विविध कार्यक्रम गरिएको हो । गाउँपालिकाका जनप्रतिनिधि, कर्मचारी स्थानीय जनता तथा क्लबको समेत सहभागितामा कार्यक्रम गरिएको गाउँपालिकाका अध्यक्ष राजकुमार मल्लले बताए ।

दिवसका अवसरमा गाउँपालिका परिसरमा फलफुल तथा विभिन्न जातका बिरुवाहरु रोपियो साथै सरसफाई कार्यक्रम पनि गरिएको छ । पालिकाका अध्यक्ष मल्लकै अध्यक्षतामा कार्यक्रम सम्पन्न भएको हो ।