उद्योग संघ मकवानपुरले चाडपर्वको समयमा उद्योगका उत्पादनहरु उपभोक्तामा पुर्याउनुपर्नेमा यातायातकै साधनहरु ठप्प भएकोप्रति गम्भीर चिन्ता ब्यक्त गरेको छ ।
संघका अध्यक्ष नवराज अर्यालले बिहीबार एक अपील पत्र जारी गर्दै नेपालीहरुको महान पर्व दशैं नजिकिदै गर्दा यातयात ठप्प हुँदा उद्योगीहरु मारमा परेको बताएका छन् । यातयातका साधनहरु संचालनमा नआउदा उद्योगबाट हुने आयात निर्यातको काम समेत ठप्प भएको जारी बिज्ञप्तीमा उल्लेख छ ।
बजारमा देखिएको यस्ता समस्या तत्काल समाधान गरी परिस्थिति सहज बनाउन पनि अर्यालद्वारा जारी गरिएको अपील पत्रमा सम्बन्धित निकायकोहरुको ध्यानाकर्षण गराईएको छ । यातयातका साधन तत्काल संचालनमा ल्याउने बातावरण बनाउन पनि संघले सम्बन्धित पक्षहरुसँग आग्रह गरेको छ ।