प्रदेश नम्बर तीनको प्रहरीले हतियार सहित एक युवकलाई पक्राउ गरेको छ ।
चेकजाँचका क्रममा हेटौंडाको रातोमाटे चेकपोष्टबाट पर्सा जिल्लाको सुपौलीका २० बर्षीय बिक्रम माझीलाई पक्राउ गरेको हो । उनको साथबाट एकनाल कटुवा पेस्तोल बरामद भएको प्रदेश नम्बर तीनको प्रहरी कार्यालय मकवानपुर हेटौंडाले जनाएको छ ।

प्रहरी निरीक्षक रोशन थापाको नेतृत्वको प्रहरी टोलीले उनलाई पक्राउ गरेको हो । थप अनुसंधान भइरहेको प्रहरीले जनाएको छ।