चक्रिया पालो अनुसार यसपटक फ्रान्सले अध्यक्षता गरेको छलफलमा बैरागीले महिलाको अधिकार तथा चासो प्रवद्धन र संरक्षणका लागि नेपालले गरिरहेको प्रयासबारे जानकारी गराएका थिए। उनले छलफलमा महिला, शान्ति र सुरक्षाबारे नेपालको बार्षिक कार्ययोजना समेत प्रस्तुत गरेका थिए। बैरागीले नेपालको द्वन्द्ध र द्वन्द्ध पछिको शान्ति स्थापनामा महिला सहभागिताको महत्वबारे पनि छलफलमा अबगत गराएका थिए।

पिजीए अध्यक्षसँग भेटघाट
यसैबीच शुक्रबार नै परराष्ट्र सचिब बैरागीले संयुक्त राष्ट्रसंघीय महासभा प्रमुख मिरोसल्याभ लजाकसँग भेटवर्ता गरेका छन्। लजाकले महासभाको ७२ औं बैठकको अध्यक्षता गरेका थिए। उनीसँगको भेटमा बैरागीले नेपाल र राष्ट्रसंघका साझा चासोबारे छलपल गरेका थिए। त्यस्तै छलफलमा युवा, जल र द्वन्द्ध उन्मुलनबारे पनि छलफल भएको बताइएको छ।