नेपाल कम्युनिष्ट पार्टीका नेता तथा प्रतिनिधिसभा सदस्य विरोध खतिवडाले निजगढ अन्तर्राष्ट्रिय विमानस्थल निर्माणको नाममा पूर्वाधार विना नै रुख कटान गर्न हतार गरिएको भन्दै आपत्ति जनाउनु भएको छ ।

प्रतिनिधिसभाको बुधबारको बैठकमा सांसद खतिवडाले विमानस्थलको डिपीआर तयार नहुदै रुख काट्न नहुने बताउनु भयो । ‘निर्माण लागत, खर्च कसले व्यहोर्ने टुंगो छैन, रुख काट्न हतार रु दौरा न सौराको खल्ती भनेको यही हो’ उहाँले भन्नुभयो, ‘ रुख चाही अहिले काटेर बेचिहाल्ने । अहिलेको आधुनिक युगमा सबैसंग सम्झौता गर्नुहोस् दुई महिनामा ती सग्ला रुखहरु त्यहाबाट हटाईदिन म सक्छु । लाज भन्ने कुरो हुदैन अलिकति रु शरम हुदैन रु दिन दहाडै डाँकागिरी रु म खबरदारी गर्छु । सम्झौता र लगानीकर्ताकोे अन्तिम टुंगो नहुन्जे र डिपिआर तयार नहुन्जेल जस्ले त्यो रुखमा हात हाल्छ । त्यो हत्यारा ठहर्छ ।’

सांसद खतिवडाले निर्मला पन्तको हत्या छानविन गर्न आयोगको प्रतिवेदन आउनुपर्छ भन्नु लज्जास्पद भएको भन्दै गम्भीर आपत्ति जनाउनुभयो । उहाँ भन्नुभयो ‘हरेक घटनामा आयोग बनाउनुपर्छ भने राज्यको स्थायी संयन्त्रलाई तलब खुवाएर किन पालेको रु मुख देखाएर हिड्न लाज हुने अवस्था छ ।’

चिनी माफियाले उखु किसानको पैसा भुक्तानी गर्ने नाममा चिनी आयात रोकेर खुलमखुला चिनीमा कालोबजारी गरेको भन्दै त्यसतर्फ सरकारको गम्भीर ध्यानाकर्षण गराउनुभयो ।