रेडियो अनमोल ९० मेगाहर्जले गायन प्रतिभाको सम्मान गर्दै सुरु गरेको ‘अनमोल आईडल’ को भदौ महिनाको विजेता आज्ञासागर हुमागाईँ भएका छन् । ‘अनमोल आइडल’ रेडियो कार्यक्रममा साप्ताहिक रुपमा उत्कृष्ट हुँदै लाईभ कार्यक्रममा प्रस्तुति दिएपछि एसएमएस भोट तथा निर्णायकको मतको आधारमा उनी उत्कृष्ट भएका हुन् ।
हुमागाईले भदौ महिनाको बिजेता भएसँगै गोल्डेन माईक सहित नगद रु. ३ हजार र प्रमाणपत्र प्राप्त गरेको रेडियोका स्टेसन संयोजक बालकृष्ण दाहालले जानकारी दिए । हुमागाईँले वि.सं. २०७५ सालको वार्षिक अनमोल आईडलमा समेत भाग लिनेछन् । हेटौँडा–४ खोपेगल्लीमा अवस्थित रेडियो परिसरमा आयोजित एक कार्यक्रमकाबिच रेडियोका स्टेसन संयोजक दाहाल र कार्यक्रम संचालिका पारु महरा, संचारकर्मी विकल्प चौँलागाई, प्रजोनी सुनार, सुस्मिता पुडासैनीको उपस्थितिमा हुमागाईँलाई पुरस्कार प्रदान गरिएको हो ।
त्यस्तै भदौ महिनाका साप्ताहिक विजेताहरु (विक्ली स्टार) रोशन परियार र दिपा महरालाई समेत प्रमाणपत्र वितरण गरिएको छ । हरेक हप्ता, महिना र वर्षमा अनमोल आईडल छनौट गर्ने लक्ष्यका साथ कार्यक्रम सुरु गरिएको हो ।