हेटौँडा उपमहानगरपालिका वडा नंबर ७ मा जारी टोल स्तरीय फुटबल प्रतियोगिता (खसि कप) अन्र्तगत आज भएको खेलमा नवज्योति क्लब विजयी भएको छ ।

आज भएको प्रतियोगितामा नवज्योतिले स्मृति क्लबलाई ३–० गोलअन्तरले पराजित गरेको हो ।

नव ज्योतिको लागि विकास केसीले एक तथा राजकुमार भुजेलले दुई गोल गरेका थिए । खेलमा दुई गोल गर्ने राजकुमारनै म्यान अफ द म्याच समेत भए । म्यान अफ द म्याच हुने भुजेललाई ब्यवसायी धन थापाले म्यान अफ द म्याचको ट्रफि दिएका थिए ।

९ वटा टिम सहभागि प्रतियोगिता लिग कम नकआउटको आधारमा खेलाईने आयोजक नर्मल मुस्कान क्लबले जनाएको छ । दुई समुहबाट विजेता तथा उपविजेता गरि चार वटा टिमलाई सेमिफाईनलमा लगिने आयोजकको भनाई रहेको छ । प्रतियोगिताको लागि करिब ४ लाख रुपैँया खर्च हुने आयोजकको अनुमान रहेको छ ।

यो पटक प्रथम हुनेले ३५ देखि ४० किलोको खसिको साथमा शिल्ड, मेडल तथा प्रमाणपत्र प्राप्त गर्दा उपविजेताले २५ देखि ३० किलोको खसिको साथमा शिल्ड, मेडल तथा प्रमाणपत्र प्राप्त गर्ने आयोजकको भनाई रहेको छ । प्रतियोगितामा दैनिक म्यान अफ द म्याच तथा उत्कृष्ट खेलाडीहरुलाई पुरस्कारको समेत ब्यवस्था गरिएको आयोजकले जनाएको छ ।