सत्तारुढ दल नेपाल कम्युनिष्ट पार्टि(नेकपा)को प्रदेश नंबर ३ संसदीय दलको बैठक आइतबार सुरु भएको छ ।

मुख्यमन्त्री निवासमा भएको सुरु भएको बैठकमा राजधानीको विषयले प्रवेश पाएको छ । बैठकमा एजेण्डाहरुको विषयमा जानकारी दिँदै संसदीय दलका नेता तथा मुख्यमन्त्री डोरमणी पौडेलले स्थायी राजधानीको विषयले अब सांसदमा प्राथमिकता पाउने बताए ।बैठकमा बोल्दै मुख्यमन्त्री पौडेलले स्थायी राजधानीको विषय अहिले सबैको चासोको विषय भएको भन्दै यो विषयले प्राथमिकता पाउनुपर्ने धारणा ब्यक्त गरे ।

बैठमका नेकपा ३ नंबर प्रदेश संसदीय दलको विधानको स्विकृति, संसदीय दलका सभापतिहरुको प्रतिवेदन, मन्त्रीहरुद्वारा मन्त्रालयको प्रगति प्रतिवेदन पेश गर्ने तथा पार्टीको लेवि विषयमा समेत छलफल भएको छ । प्रदेश संसदको सोमबार बस्ने बैठकमा राजधानीका बिषयमा छलफल हुने भएपछि स्थायी राजधानी कहाँ तोक्ने भन्ने बिषयमा नेकपामा छलफल भएको हो ।