नेपाल कम्युनिष्ट पार्टी (नेकपा) सम्बद्ध अखिल नेपाल सेक्युरेटी मजदुर संघले न्युनत बेतन लागु गर्न उद्योगी तथा सेक्युरेटी सप्लायर्सहरुको ध्यानाकर्षण गराएको छ । आज बिहीबार हेटांैडामा पत्रकार सम्मेलन गर्दै संघले श्रम ऐन २०७४ भदौ १९ गतेदेखि र श्रावन १ गतेदेखि न्युनतम पारिश्रमिक १३ हजार चारसय ५० लागु गर्न माग गरेको हो ।
हटौंडामा पत्रकार सम्मेलन गर्दै संघले २९ बुँदे माग पुरा नभए सशक्त आन्दोलन गर्ने चेतावनी दिएको छ । संघका अध्यक्ष रबिन्द्र केसीेले घरमा पालेको जनावरलाई भन्दा पनि तल्लो स्तरको ब्यवहार गर्दै न्युन सेवा सुविधामा ढोका कुर्न बाध्य बनाएको गुनासो गरे ।
पत्रकार सम्मेलनमा अखिल नेपाल ट्रेड युनियन महासंघका सचिवालय सदस्य जनक शर्मा, मकवानपुरका अध्यक्ष गंगा भट्टराई, नेता रामशरण घिमिरे (भान्जा),ठाकुरदत्त खतिवडा लगायतको उपस्थिती रहेको थियो ।
पत्रकार सम्मेलनसँगै उनीहरुले बिहीबार श्रम कार्यालय हेटौंडा,हेटौंडा उपमहानगरपालिका, जिल्ला प्रशासन कार्यालय मकवानपुर र आन्तरिक मामिला तथा कानून मन्त्रालय प्रदेश तीनमा ज्ञापनपत्र बुझाएको छ ।